二零零八年三月二十七日27 MAR 2008

明報  黃宗澤化妖見胡杏兒家長

曹敏莉笑言自己的髮型似一隻雀仔。

緋聞情侶胡杏兒、黃宗澤前晚為L'Oreal Professionnel「法式．髮藝」表演行Show，演繹由IL Colpo Group旗下Double H Hair.Nail星級髮型師主理的創意髮型。雖然兩人分別演繹「伊利莎伯泰萊」及「蛇妖」造型，但不若而同以「全黑」示人，杏兒穿上貼身晚裝，身形極弗；而黃宗澤心口撲滿閃粉，又畫上勁粗眼線，造型妖豔。

拍劇見過胡父

杏兒父母前晚專誠捧場，黃宗澤變相在台上「見家長」，他表示不知對方父母在場，「我的造型應不會嚇親老人家，以前拍劇也見過世伯探班」。原來黃宗澤跟杏兒用同一位髮型師，今次兩人以友情價演出，黃宗澤說：「我不敢收貴，免得日後髮型會剪得肉酸。」杏兒表示一試緊身長裙即合身，雖不是最瘦時期，但身旁的黃宗澤大讚她十分弗，毋須減肥，杏兒回敬說：「黃宗澤的粗眼線十分有型！」問到可知郭晉安一索得男？兩人表示會買禮物給對方，但杏兒表示安仔什麼都有，很難買禮物，而黃宗澤笑指安仔是隱形富豪。

曹敏莉馬尾傷人

曹敏莉與李亞男以不同創意髮型示人，頭頂梳極高馬尾辮的曹敏莉笑說：「我在後台不斷Fing親其他人，髮型師要不停向人道歉。」

蘋果日報  共用髮型師訂做情侶Look 宗澤、杏兒蛇妖纏巫婆

黃 宗 澤 （ Bosco ） 和 胡 杏 兒 前 晚 以 情 侶 檔 ， 到 灣 仔 為 髮 型 騷 擔 任 表 演 嘉 賓 ， Bosco 以 蛇 妖 造 型 現 身 ， 露 出 胸 肌 ， 而 緋 聞 女 友 胡 杏 兒 亦 不 執 輸 ， 身 穿 貼 身 透 視 黑 裙 ， 隱 約 露 出 胸 圍 ， 營 造 逼 爆 效 果 ， 令 人 想 入 非 非 ！

一 班 藝 人 前 晚 到 灣 仔 為 L'oreal Professionnel 「 法 式 ． 髮 藝 」 髮 色 髮 型 表 演 擔 任 模 特 兒 ， 除 了 黃 宗 澤 和 胡 杏 兒 以 情 侶 檔 亮 相 之 外 ， 當 晚 演 出 嘉 賓 還 有 李 亞 男 、 曹 敏 莉 、 楊 洛 婷 、 周 家 蔚 及 Janice Man 等 ， 而 杏 兒 父 母 更 現 身 撐 場 。

互 讚 身 形 Fit
杏 兒 表 示 因 為 她 和 Bosco 是 用 同 一 個 髮 型 師 ， 故 此 雙 雙 為 他 擔 任 模 特 兒 ， 杏 兒 更 透 露 是 她 介 紹 該 髮 型 師 給 Bosco 認 識 。 Bosco 以 「 蛇 妖 」 造 型 亮 相 ， 畫 上 深 色 眼 線 和 露 出 胸 肌 ， 相 當 型 仔 。 至 於 杏 兒 則 以 「 依 莉 莎 伯 泰 萊 」 look 出 場 ， 但 她 笑 言 自 己 似 巫 婆 ， 杏 兒 穿 上 一 條 貼 身 透 視 黑 裙 ， 隱 約 露 出 入 面 胸 圍 ， 驟 眼 看 上 去 更 令 杏 兒 上 圍 有 逼 爆 感 覺 ， 身 形 fit 到 漏 ！
其 後 兩 人 齊 齊 接 受 訪 問 ， 杏 兒 自 爆 為 了 令 身 形 更 fit ， 之 前 曾 做 sit up ， 她 笑 說 ： 「 我 想 有 六 腹 肌 ， 可 惜 欠 幾 。 」 Bosco 和 杏 兒 更 互 相 大 讚 對 方 身 形 fit ， 當 眾 打 情 罵 俏 ！ 問 到 Bosco 知 不 知 杏 兒 父 母 來 看 騷 ？ 他 只 說 ： 「 邊 有 咁 得 閒 睇 ， 我 唔 知 佢 坐 邊 。 」
早 前 兩 人 再 以 情 侶 檔 拍 了 個 電 器 公 司 廣 告 ， 會 否 再 以 情 侶 檔 搵 銀 ？ 杏 兒 稱 ： 「 公 司 唔 係 專 登 ， 有 咪 做 。 」 至 於 《 溏 心 風 暴 之 家 好 月 圓 》 日 前 因 演 員 患 流 感 停 廠 ， Bosco 表 示 大 部 份 演 員 已 經 痊 癒 ， 加 上 他 和 陳 豪 甚 少 對 手 戲 ， 故 對 他 影 響 不 大 。

同 場 的 曹 敏 莉 頭 上 有 一 支 長 髮 飾 ， 她 表 示 在 後 台 行 來 行 去 時 經 常 碰 到 別 人 ， 因 此 要 不 停 向 人 道 歉 。 而 以 低 胸 裝 出 現 的 李 亞 男 看 上 去 似 乎 消 瘦 了 不 少 ， 問 到 上 圍 有 否 縮 水 ？ 李 亞 男 笑 說 ： 「 依 然 咁 勁 ， 我 冇 乜 點 瘦 ， 可 能 件 衫 問 題 ， 我 已 經 黐 晒 膠 紙 ， 唔 會 走 光 。 」