二零零七年六月二十八日28 JUN 2007

東方日報  曹敏莉×One-piece裙淑女回歸少女

Ted Baker 彩 色 束 頸 索 繩 間 條 裙 $1,100 （ B ） 、 R.J. Graziano 金 色 耳 環 $690 （ A ）
Ted Baker 黃 色 繡 花 連 身 裙 $1,900 （ B ） 、 Le Precienses 黃 色 大 珠 鏈 $2,590 （ A ）
Ted Baker 牛 仔 布 工 人 裙 $1,500 、 彩 色 間 條 背 心 $880 、 粉 紅 色 圖 案 手 袋 $650 （ All from B ） ； Venus 啡 色 大 珠 鏈 $2,190 （ A ）

昔 日 ， 曹 敏 莉 （ Mandy ） 為 保 持 港 姐 的 高 貴 優 雅 形 象 ， 即 使 是 二 十 出 頭 ， 也 要 扮 成 熟 。 不 過 卸 下 后 冠 ， 到 紐 約 進 修 回 港 後 ， 即 回 歸 青 春 活 力 少 女 Look 。 換 上 多 款 連 身 裙 、 腳 踏 人 字 拖 、 掛 上 大 圈 耳 環 ， 變 身 夏 日 活 力 Summer Girl 。

撰 文 ： 朱 寶 茵

攝 影 ： 胡 淑 儀 查 詢 電 話 ： （ A ） 3693 2388 、 （ B ） 2736 6323

貪 連 身 裙 唔 使 襯
這 位 前 香 港 小 姐 冠 軍 ， 其 實 年 紀 輕 輕 ， 性 格 洋 化 ， 大 耳 環 、 短 裙 仔 、 人 字 拖 是 她 的 日 常 至 愛 裝 束 ， 「 鬼 妹 仔 」 Feel 的 少 女 形 象 才 是 真 面 目 。 「 我 夏 天 好 鍾 意 One-piece 裙 ， 因 為 一 件 過 簡 簡 單 單 不 用 襯 ， 非 常 方 便 ， 平 時 不 用 工 作 的 話 就 鍾 意 黑 白 比 較 簡 潔 顏 色 的 衣 服 。 我 幾 鍾 意 今 日 示 範 的 黃 色 連 身 裙 ， 如 果 要 影 相 同 出 Show 就 選 黃 色 ， 因 為 會 搶 眼 一 點 ， 平 日 出 街 就 鍾 意 白 色 。 」

除 了 連 身 裙 ， 牛 仔 短 裙 、 短 外 套 及 頸 巾 都 是 Mandy 夏 天 衣 櫃 不 可 少 的 服 飾 。 「 我 經 常 牛 仔 短 裙 ， 因 為 好 舒 服 同 埋 易 襯 ， 上 身 會 背 心 、 外 套 仔 同 牛 仔 褸 。 另 外 香 港 室 內 冷 氣 好 凍 ， 所 以 必 定 隨 身 袋 住 條 頸 巾 。 」

Mandy 沒 有 特 定 的 購 物 區 域 ， 總 之 去 到 邊 買 到 邊 ， 不 會 特 別 注 重 品 牌 ， 最 重 要 是 款 式 設 計 。 「 我 覺 得 香 港 是 個 好 好 的 Shopping 地 方 ， 好 多 牌 子 都 可 以 買 到 ， 我 在 New York 讀 書 時 當 然 會 Shopping ， 不 過 就 冇 話 特 別 鍾 意 邊 間 店 舖 同 牌 子 ， 主 要 睇 款 式 。 以 前 去 紐 約 SOHO Shopping 時 ， 都 有 見 過 Ted Baker 這 牌 子 ， 其 服 飾 簡 單 中 有 少 少 Details ， 非 常 適 合 我 的 Style 。 」

戴 大 圈 耳 環 　 成 個 樣 好 Sharp
Mandy 早 兩 年 暫 別 娛 樂 圈 遠 赴 紐 約 修 讀 珠 寶 鑑 證 課 程 ， 對 配 飾 方 面 當 然 好 有 研 究 。 不 過 她 最 愛 的 首 飾 不 是 名 貴 的 高 級 珠 寶 ， 而 是 一 對 大 圈 耳 環 ！ 「 我 非 常 鍾 意 戴 大 圈 耳 環 ， 屋 企 有 幾 十 對 不 同 顏 色 的 圈 形 耳 環 ， 因 為 襯 任 何 服 飾 都 一 流 ， 同 埋 戴 完 後 成 個 樣 會 Sharp 好 多 。 今 日 我 都 特 別 戴 定 對 大 圈 耳 環 ， 因 為 最 適 合 影 相 時 用 來 襯 衫 。 」

除 圈 形 耳 環 外 ， 人 字 拖 是 Mandy 另 一 百 搭 服 飾 。 「 夏 天 通 常 人 字 拖 襯 衫 ， 好 襯 大 圈 耳 環 ， 是 夏 季 的 最 佳 百 搭 鞋 款 。 有 少 少 的 人 字 拖 鞋 款 ， 除 有 型 外 ， 起 可 令 成 個 人 顯 得 更 修 長 。 」

女 生 必 備 吊 帶 連 身 裙
早 前 訪 問 過 時 裝 設 計 師 Kevin Carrigan ， 他 直 言 One-piece 裙 是 現 今 女 士 們 的 必 備 服 飾 ， 事 關 這 種 裙 子 極 之 易 襯 ， 既 可 獨 穿 ， 亦 可 配 牛 仔 褲 或 Leggings 。 連 身 裙 除 了 易 襯 ， 款 式 變 化 更 是 層 出 不 窮 ， 經 典 吊 帶 單 色 設 計 當 然 不 可 少 ； 要 有 大 熱 的 五 、 六 十 年 代 感 覺 ， 可 選 方 領 束 腰 設 計 ， 襯 以 高 鞋 ， 活 脫 懷 舊 淑 女 。 炎 夏 到 沙 灘 或 出 海 ， One-piece 裙 是 最 簡 便 的 裝 束 ， 入 膊 束 頸 索 繩 款 式 ， 加 上 Jersey 棉 質 布 料 及 鮮 艷 色 調 ， 輕 盈 又 具 夏 日 色 彩 。 時 裝 界 今 季 勁 Hit 工 人 褲 ， 這 種 熱 潮 更 吹 到 One-piece 裙 ， 工 人 短 裙 款 的 設 計 ， 內 襯 小 背 心 及 大 珠 鏈 ， 簡 簡 單 單 已 營 造 出 Cutie 感 覺 。